-Kuratibu huduma za kilimo za ugani ili kuboresha uzalishaji na kuzuia uharibifu wa mazingira.
•Kushirikiana na wadau wa kilimo kuanzisha mashamba darasa.
•Kutoa taarifa mbalimbali kuhusu mazao ya kilimo na masoko.
•Kutunza takwimu za uzalishaji wa mazao ya kilimo.
•Kutoa taarifa kuhusu usalama wa chakula katika wilaya.
•Kuwafundisha wakulima kuhusu kilimo bora na mbinu bora za kuhifadhi mazao.
-Kuratibu shughuli za ushirika.
•Kukagua hesabu za vyama vya Ushirika.
•Kusimamia Mikutano Mikuu ya vyama vya Ushirika.
•Kusajili Vyama vya Ushirika.
•Kukusanya takwimu za biashara ya mazao ya kilimo katika vyama vya Ushirika.
KITENGO CHA USHIRIKA
1.0 UTANGULIZI
Ushirika ni kitengo ndani ya Idara ya Kilimo, Umwagiliaji na Ushirika. Nchini Tanzania Ushirika unaongozwa na Sheria ya Ushirika Namba 6 ya mwaka 2013 na Kanuni zake za mwaka 2015. Ushirika huendeshwa katika misingi saba ya Ushirika inayotambulika duniani kote na kuzingatia maadili ya Ushirika ambayo yalipitishwa na Tamko la Muungano wa Vyama vya Ushirika Duniani (International Co-operative Alliance – ICA) maadili hayo ni; Uanachama wa Hiari na ulio wazi, udhibiti wa Kidemokrasia/kiutawala, Ushiriki wa wanachama katika shughuli za kiuchumi, Uhuru na kujitegemea, Elimu, mafunzo na taarifa, Ushirika miongoni mwa vyama vya ushirika na Ushirika kuijali jamii.
2.0 LENGO LA USHIRIKA
Lengo kuu la Ushirika ni kuinua kipato cha wanachama na jamii kwa ujumla, kuungana na kufanya kazi pamoja kwa hiari na kufanikisha mahitaji ya kiuchumi, kijamii na kiutamaduni kupitia shughuli inayomilikiwa pamoja na kudhibitiwa kidemokrasia.
3.0 MAJUKUMU YA OFISI
Ofisi ya Ushirika inayo wajibu wa kutekeleza majukumu ya kisheria, usajili na kuwezesha udhibiti na usimamizi wa Vyama vya Ushirika katika Wilaya, ikiwa pamoja na kutekeleza majukumu yafuatayo;
Kuhamasisha uundwaji wa vyama vya Ushirika;
Kusimamia kuandikisha vyama vya Ushirika;
Kutoa mafunzo ya uhasibu wa hesabu na kumbukumbu zote muhimu kwa watendaji wa vyama vya Ushirika;
Kufanya ukaguzi wa mahesabu na kufuatilia uendeshaji wa vyama vya Ushirika kulingana na sheria ya Ushirika;
Kuwezesha tafsiri ya akaunti zilizokaguliwa na mizania kwa ajili ya matumizi ya wanachama katika vyama vya ushirika;
Kufanya uchunguzi na kuhoji hoja zinazoibuliwa katika vyama vya msingi ushirika;
Kutoa Elimu ya Ushirika kwa wanachama na Viongozi wa vyama vya Ushirika;
Kukusanya na kutunza takwimu mbalimbali za vyama vya Ushirika;
Kusimamia mikutano mikuu ya vyama vya Ushirika;
Kusimamia mikutano ya uchaguzi wa viongozi wa vyama vya Ushirika;
Kutekeleza Sheria ya vyama vya ushirika na kuhakikisha utekelezaji wake unafanyika;
4.0 AINA YA VYAMA VYA USHIRIKA VILIVYOPO WILAYANI KILINDI
Ushirika hutofautiana kutokana na mahitaji ya jamii husika, kuna aina mbalimbali za Ushirika kama vile Ushirika wa kuweka na kukopa (SACCOS), Ushirika wa mazao (AMCOS), Ushirika wa viwanda, Ushirika wa madini na nyingine nyingi kutegemeana na mfungamano “common bond” ya jamii husika. Kuna aina mbalimbali za ushirika hapa Wilayani Kilindi kama vile Ushirika wa kuweka na kukopa (SACCOS), Ushirika wa mazao (AMCOS), Ushirika wa viwanda na Ushirika wa madini.
4.1 Ushirika wa Akiba na Mikopo (SACCOS)
SACCOS zilizopo Wilaya ya Kilindi ni pamoja na Umoja SACCOS, Kwamwande SACCOS, Baraka SACCOS, Azimio Mafisa Madukani SACCOS, Vijana SACCOS, Negero SACCOS, Muungano SACCOS, Kimbe SACCOS, Jaila SACCOS, Msanja SACCOS, Mafulila SACCOS, Kikunde SACCOS, Kilindi SACCOS, Songe Ward SACCOS, Songe Farmers and Business SACCOS na Kwediboma SACCOS.
Madhumuni makubwa ya uwanzishwaji wa SACCOS hizo ni pamoja na :-
Kuhamasisha wanachama wake kujenga tabia ya kujiwekea akiba mara kwa mara ;
Kupokea na kutunza Hisa, Akiba na Amana za wanachama kwa njia rahisi na salama ;
Kutafuta vyanzo vya fedha ili kujenga na kuimarisha mtaji kwa ajili ya kutoa mikopo kwa wanachama kwa masharti na riba nafuu ;
Kuwaelimisha wanachama kujijengea tabia ya kukopa kwa busara na kutumia vizuri mikopo kwa ajili ya kuinua hali zao za maisha kiuchumi na kijamii ;
Kutoa bidhaa mbalimbali za fedha (financial products) kwa wanachama ili waweze kushiriki zaidi kuimarisha mitaji ya chama na mitaji yao binafsi na kuleta mvuto kwa wasio wanachama kujiunga na chama ;
Kuweka kwa usalama fedha za chama na wanachama kwa kuanzisha mipango ya kukabiliana na majanga na/au kuweka Bima za fedha zinazofaa ;
Kuwashauri wanachama kuandaa mipango yao ya maendeleo katika kuwekeza mitaji kwenye miradi ya kiuchumi na huduma za jamii ;
Kutoa elimu ya Ushirika kwa wanachama wake na wale wasio wanachama.
Madhumuni ya uwanzishwaji wa vyama hivyo ni pamoja na:-
Kuinua na kustawisha hali ya uchumi na maisha ya wanachama wake na hasa kuongeza pato la mwanachama kwa njia ya kuongeza uzalishaji/tija;
Kuendeleza shughuli za kilimo cha mazao mbalimbali kwa wanachama wake na ikiwezekana kuendeleza kilimo cha ushirika na shughuli nyingine za kiuchumi;
Kuhifadhi kugawa/kuuza zana za kilimo, pembejeo, bidhaa muhimu na zana zote zitakazohitajika katika kuendeleza madhumuni ya chama kiuchumi;
Kununua, kuendesha na kutunza mashine kwa ajili ya kusindika/kutengeneza mazao ya kilimo na mazao mengine;
Kuanzisha na kuendesha mashamba makubwa;
Kuwapatia wanachama wake ushauri juu ya kilimo bora cha mazao mengine;
Kuendeleza na kutunza ardhi ambayo inaweza kugawiwa kwa wanachama kwa matumizi binafsi au kwa kilimo cha mazao.
4.3 Ushirika wa Kiwanda
Wilaya ya Kilindi ina chama kimoja cha Ushirika wa Kiwanda ambacho kinaitwa Kilindi Industrial Co-operative, madhumuni yake ni pamoja na:-
Kuwa na viwanda vya kusindika nafaka na mazao mengine yatokanayo na kilimo, mifugo na maliasili kwa ajili ya kuuza;
Kuendeleza na kupanua zana zake za uzalishaji ikiwa ni pamoja na malengo, huduma, mashine na vifaa vingine vinavyohusiana na biashara yake;
Kutafuta, kununua na kuhifadhi malighafi na bidhaa nyingine zinazoweza kutumika viwandani;
Kuzalisha/kutengeneza bidhaa za aina mbalimbali kutokana na malighafi ya aina yeyote inayohusiana na shughuli husika kwa ajili ya kuuza au kwa mkataba.
Kutafuta soko la bidhaa zitakazotengenezwa/kuzalishwa;
Kuchunguza mara kwa mara mbinu za uzalishaji ili kuhakikisha kwamba ubora wa bidhaa unaimarishwa kufuatana na mahitaji ya masoko;
Kutoa elimu ya Ushirika , stadi za biashara ya viwanda na kilimo cha kibiashara.
4.4 Ushirika wa Madini
Vilevile, wilaya ya Kilindi ina jumla ya vyama viwili vya Madini ambavyo ni pamoja na Kiwaleke Mining Co-operative na Ngeze Mining Co-operative.
Madhumuni ya uwanzishwaji wake ni pamoja na:-
Kutafuta Leseni kwa ajili ya utafiti wa madini na uchimbaji;
Kupatia zana za uchimbaji wanachama kwa kuwauzia au kwa mkopo;
Kutoa huduma za uongozi na uandaaji wa mikata kwa wanachama kwa ajili ya uendelezaji, utumiaji na uuzaji wa madini au mazao yatokanayo na madini;
Kutafuta Kumiliki ardhi/viwanja vya machimbo kwa ajili ya wanachama;
Kutoa elimu juu ya utunzaji wa mazingira;
Kumiliki zana kubwa za uchimbaji na kuzitunza kwa njia ya kuwakodisha wanachama.
Kutoa elimu ya ushirika na stadi za biashara ya madini;
Kuweka utaratibu wa upokeaji na uhifadhi wa madini kutoka kwa wanachama.
