Idara ya Maendeleo ya jamii, Ustawi wa jamii na Vijana ni kati ya idara za Halmashauri ya Wilaya ya Kilindi. Idara ina vitengo vya Maendeleo ya Jamii, Ustawi wa Jamii na Vijana, ambapo majukumu yake ni kuratibu na kusimamia upatikanaji wa huduma za jamii na utekelezaji wa mipango ya maendeleo katika ngazi ya jamii. Katika utekelezaji wake Idara inaratibu mipango ya maendeleo ikiwa ni pamoja na Mfuko wa Maendeleo ya Jamii (TASAF - Tanzania Social Action Fund), Mfuko wa Afya ya Jamii iliyoboreshwa(CHF – Re-organized Community Health Fund), Mpango wa Kudhibiti UKIMWI, Mpango wa kurasimisha rasilimali na Biashara za Wanyonge wa Tanzania (MKURABITA), Mfuko wa Maendeleo ya Wanawake (WDF), Mfuko wa Maendeleo ya Vijana (YDF) na Kuratibu asasi zisizokuwa za ki serikali (NGOs & CBOs) na vikundi vya kiuchumi.
2.0 Muundo na Rasilimali watu.
Idara ya Maendeleo ya Jamii, Ustawi wa Jamii na Vijana katika Halmashauri ya Wilaya ya Kilindi ina vitengo vitatu, ambavyo ni kitengo cha Maendeleo ya Jamii, kitengo cha Ustawi wa Jamii na Kitengo cha Vijana.
3.0 Majukumu yanayotekelezwa na idara
Idara kwa kutumia rasilimali mbalimbali zilizopo utekeleza majukumu yake kwa mgawanyo unaozingatia taaluma na miundo ya serikali.
3.1 Kitengo cha Maendeleo ya Jamii
Lengo kuu la Kitengo;
Kusaidia jamii kutafsiri fursa na vikwazo vilivyopo katika mazingira yao na kutumia rasilimali zilizopo kujiletea maendeleo.
Ili kufikia lengo kuu, kitengo kimekuwa na majukumu yanayotekelezwa katika ngazi mbalimbali ndani ya Halmashauri ya Wilaya.
Kutafsiri na kusimamia utekelezaji wa Sera za Maendeleo ya Jamii katika ngazi za vijiji na kata.
Kuratibu na kusimamia asasi za kiraia zinazotekeleza shughuli za Maendeleo katika Wilaya.
Kuratibu na kusimamia Asasi za kiraia katika wilaya ( NGOs, CBOs na vikundi vya kiuchumi)
Kuratibu na Kusimamia miradi ya Mfuko wa Wanawake (WDF) katika ngazi ya Wilaya
Kuratibu na Kusimamia miradi ya Mfuko wa Vijana (YDF) katika ngazi ya Wilaya
Kusimamia na kuratibu miradi/mipango iliyoko chini ya Idara ya Maendeleo ya Jamii (TASAF, CHF, KUDHIBITI UKIMWI, MKURABITA,n.k )
Kutoa mapendekeo ya kukabiliana na vikwazo vya maendeleo ya makundi maalum wakiwemo wanawake, watoto, wazee na walemavu.
Kuandikisha na kutunza rejista za vikundi vya maendeleo ya makundi maalumu wakiwemo vijana, wanawake na walemavu.
Kuhamasisha na kutoa Mapendekezo juu ya ushirikishaji jamii katika kubuni na kupanga miradi ya maendeleo kwa kutumia teknolojia rahisi na sahihi.
Kufuatilia na kuuhisha rejista za wakazi katika ngazi za vijiji na vitongoji.
Kusimamia na kutafsiri sheria za Ustawi wa Jamii (Mtoto,Wazee, Ndoa) katika ngazi ya Wilaya.
3.2 Kitengo cha Ustawi wa Jamii
Lengo kuu la Kitengo;
Kusaidia watu kutambua haki na wajibu wao katika kutoa huduma za kijamii na hasa makundi maalumu wakiwemno watoto, wazee na walemavu.
Ili kufikia lengo kuu, kitengo kimekuwa na majukumu yanayotekelezwa katika ngazi mbalimbali ndani ya Halmashauri ya Wilaya.
Kufuatilia na Kusimamia upatikanaji wa haki za wazee wenye mahitaji maalumu
Kutetea haki za watoto na wanafamilia wanaoonewa katika ngazi ya kaya na vyombo vya sheria.
Kuwezesha na kusimamia vituo vya kulelea watoto yatima
Kutekeleza mipango kuhusu watoto wanaoishi katika mazingira hatarishi
Kusimamia na kutafsiri sheria ya mtoto katika ngazi ya Wilaya na vijiji
Kusimamia na kutafsiri sheria ya mtoto katika ngazi ya Wilaya, kata na vijiji
3.3 Kitengo cha Vijana
Lengo kuu la Kitengo;
Kusaidia vijana kupata mbinu za kujiinua kiuchumi na kutambua fursa na vikwazo vilivyo katika mazingira yao na kujiletea maendeleo.
Ili kufikia lengo kuu, kitengo kimekuwa na majukumu yanayotekelezwa katika ngazi mbalimbali ndani ya Halmashauri ya Wilaya.
Kuhimiza maendeleo ya Elimu na Ujuzi kwa Vijana
Kutokomezaji wa umaskini na mfungamano wa vijana kiuchumi na kijamii
Kuwezesha maisha endelevu na ajira kwa vijana
Kuwezesha maendeleo endelevu na hifadhi ya mazingira
Kuhamasishaji wa maadili na desturi njema za kiafrika kwa vijana
Kuratibu mabaraza ya vijana katika ngazi ya kata na wilaya
