Teknolojia ya Habari, Mawasiliano na Uhusiano (TEHAMA)
Kitengo cha (TEHAMA) kimeanzishwa mwaka 2013 ambacho ni muunganiko wa Kitengo cha IT na Uhusiano. Kitengo hiki kinaongozwa na Sera ya TEHAMA (2003), na Sera ya Utangazaji Habari (2004). Ibara ya 18 ya katiba ya Jamhuri ya Muungano wa Tanzania inaeleza kuwa 1) Bila ya kuathiri sheria ya nchi,kila mtu yuko huru kuwa na maoni yoyote na kutoa nje mawazo yake, na kutafuta,kupokea na kutoa habari na dhana zozote kupitia chombo cha habari chochote bila ya kujali mipaka ya nchi, na pia ana uhuru wa mawasiliano yake kutoingiliwa kati. (2) kila raia ana haki ya kupashwa habari wakati wote kuhusu matukio mbalimbali ya nchini na duniani kote yenye umuhimu kwa maisha na shughuli za wananchi , pia kwa masuala yenye umuhimu kwa jamii.
Majukumu ya Kitengo
Kuweka mahusiano bora baina ya Halmashauri pamoja na Umma na wadau mbalimbali pamoja na kutoa elimu kwa Umma.
Kuandaa machapisho mbalimbali ya Halmashauri.
Kuratibu masuala ya kiitifaki ikiwemo kupokea wageni,kazi ambayo inafanywa na afisa habari wakati wa kuwa mshereheshaji.
Usimamizi wa Mifumo ya Kompyuta(Systems Administration)
Usimamizi wa Mtandao wa Kompyuta pamoja na vifaa vyake (Network and hardware adminstration).
Usimamizi wa kanzidata ya Takwimu(Database Administration)
Usimamizi wa tovuti na barua pepe (website&emails administration ).
Kutekeleza sera ya TEHAMA na Serikali Mtandao.
Kuandaa mahitaji katika Ununuzi wa vifaa vya TEHAMA.
